Տյառնընդառաջը կամ մանուկ Հիսուսի ընծայումը տաճարին, Հայոց եկեղեցու տոներից է։ Հայոց եկեղեցին, Տյառնընդառաջը տոնում է փետրվարի 13-ին՝ Քրիստոսի աստվածահայտնությունից (հունվարի 6) քառասուն օր հետո։Տյառնընդառաջ նշանակում է «ելնել Տիրոջն ընդառաջ», տարածված է նաև Տերընդեզ, Տըրընդեզ, Տըրընտես, որոնք ծագել են «Տերն ընդ ձեզ» անվանումից։ Հայոց Եկեղեցու կանոնի համաձայն՝ տոնի նախօրեին՝ երեկոյան ժամերգությունից հետո, կատարվում է նախատոնակ։

Տյառնընդառաջի ծեսը մեր կրթահամալիրում

Մեր կրթահամալիրում մենք շատ ուրախ ենք նշում Տյառնընդառաջը, բարեկենդանի համար պատրաստում ենք դիմակներ, բերում ենք աղանձ, ադի-բուդի, կոնֆետներ, նաև պոկված ճյուղերով պատրաստում ենք ծառ, վրան գրում բոլոր վատ սովորությունները, հետո ծառը գցում ենք կրակի մեջ և 2 անգամ թռչում կրակի վրայով։