Վիլյամ Սարոյան <<Բոլոր հրաշալի սխալները>>
Monthly Archives: March 2022
Գարնան և ձմռան վեճը
Գարնան և ձմռան վեճը
Գարունը կյանքի սկիզբն է։ Տարվա այդ եղանակին են ծաղկում ծառերը, հողի տակից իրենց գլուխները հանում ձնծաղիկները։ Իսկ ձմեռը իր ճերմակ սավանով ծածկում է ողջ բնությունը, անհետացնում գարնան ստեղծած ծառերն ու ծաղիկները։
Եվ ահա այդ գարունն ու ձմեռը հանդիպում են և սկսում վիճել։
-Ինչո՞ւ ես եկել, ձմե՛ռ,- ասում է գարունը,- քո ժամանակը վաղո՜ւց անցել է։
Ձմեռը պատասխանում է․
-Սխալվում ես, գարո՛ւն, ես եկել եմ, որ իմ ճերմակ-ճերմակ ձյունով մաքրեմ օդը։
-Ես երբեք չեմ սխալվում, մարդիկ սիրով և անհամբեր սպասում են ինձ, իմ գալուստին։
– Իսկ երեխաներն իմ գալուստին են սպասում, որովհետև դուրս են գալիս բակ, ձնագնդիկ են խաղում և ձնեմարդ են պատրաստում։
– Հարգելի ձմեռ, իսկ քո մտքով չի՞ անցել, որ երեխաները կարող են երկար մնալ քո սառը ձյուների մեջ և մրսել, հիվանդանալ, ու նրանք ստիպված պիտի մնան իրենց տներում։ Իսկ գարնան պայծառ արևը կջերմացնի նրանց, և նրանք հետաքրքիր ժամանակ կանցկացնեն բնության գրկում՝ արշավներ կազմակերպելով և խաղեր խաղալով։
– Լավ, երկուսս էլ ճիշտ ենք, որովհետև երկուսս էլ մեր կարևոր և յուրահատուկ դերն ունենք մարդկանց ու բնության կյանքում։
Նրանք ընկերացան և այդ օրվանից սկսած էլ երբեք չվիճեցին։
Մաթեմատիկա
Գեղեցիկ բանաստեղծություններ՝ նվիրված մայրիկներին
Նվեր մայրիկիս
Ձյունո՛տ դաշտեր, ի՞նչ կտաք ինձ՝
Նվեր տանեմ իմ մայրիկին։
-Մեր առաջին ձնծաղիկը։
Իսկ դուք ինչո՞վ կուրախացնենք,
Ծիծեռնակնե՛ր հեռվից եկող։
-Մեր առաջին գարնան երգով ։
Դու ի՞նչ կտաս, բարի՛ արև։
-Իմ առաջին տաք շողերը։
-Իսկ ես,-ասաց խնձորենին,-
Իմ առաջին բողբոջները։
Առնեմ գրկեմ ծառի բողբոջ,
Արևի շող, ծաղիկ ու երգ,
Ու դրանց հետ՝ շատ-շատ համբույր
Իմ մայրիկին տանեմ նվեր։
Իգնատ Մամյան
Մայրս
Մեր հույսի դուռն է մայրս,
Մեր տան մատուռն է մայրս,
Մեր օրորոցն է մայրս,
Մեր տան ամրոցն է մայրս,
Մեր հերն ու մերն է մայրս,
Մեր ճորտն ու տերն է մայրս,
Մեր տան անշուքն է մայրս,
Մեր վեհաշուքն է մայրս,
Մեր տան անտունն է մայրս,
Մեր արծվաբույնն է մայրս,
Մեր տան ծառան է մայրս,
Մեր տան արքան է մայրս,
Մեր տան պուճուրն է մայրս,
Մեր հացն ու ջուրն է մայրս,
Մեր տան անճարն է մայրս,
Մեր դեղն ու ճարն է մայրս,
Մեր տան աղբյուրն է մայրս,
Մեր ծարավ քույրն է մայրս,
Մեր տան անքունն է մայրս,
Մեր անուշ քունն է մայրս,
Մեր տան ճրագն է մայրս,
Մեր արեգակն է մայրս,
Ա՛խ,մեր տան Սիսն է մայրս,
Մեր տան Մասիսն է մայրս,
Մայրս,մեր հացն է մայրս,
Մեր տան աստվածն է մայրս…
Հովհաննես Շիրազ
Առավոտը մայրիկի հետԱռավոտվա լույսի շողը,
Վառ արևն ու առավոտը
Ինձ է բերում իմ մայրիկը,
Երբ պարզելով նուրբ ձեռքերը՝
Ինձ առնում է իր ջերմ գիրկը:
Մայրիկիս կողքին
Նրա կողքին ես ուժեղ եմ,
Նրա գրկում միշտ անվախ եմ,
Նրա սիրով ես պաշարված՝
Այս աշխարհում ես անպարտ եմ:
Նա իմ մայրն է, իմ գարունը,
Ինձ համար շա՜տ-շա՜տ սիրունը,
Որ ժպիտով իր ծաղկաբույր
Իմն է դարձնում ողջ աշխարհը:
***
Թե տխրում եմ, անմիջապես
Մայրիկիս մոտ եմ վազում,
Թե ուրախ եմ, հրճվանքս ես
Մայրիկիս հետ եմ կիսում:
Բարի, ժպտուն իմ մայրիկից
Չեմ թաքցնում ես ոչինչ:
Մայրիկն ասես գիտուն լինի,
Գիտե ամեն, ամեն ինչ:
***
Մի արև կա, մի’ երկինք,
Մի սիրտ կա ու մի’ լուսին,
Մի գեղեցիկ հայրենիք
Ու մի մայրիկ թանկագին:
(Սուրեն Մուրադյան)
Մայրենի
Աղբի մասին մուլտֆիլմ
Աղբ